Deuteronomio 15:21-23

Magandang Balita Biblia (with Deuterocanon)

²¹ Ngunit kung may kapansanan ang panganay na hayop, bulag o pilay, huwag ninyo itong ihahandog kay Yahweh na inyong Diyos. ²² Ito'y maaaring kainin sa bahay, tulad ng pagkain ninyo sa isang usa. Pati ang taong itinuturing na marumi ay maaaring kumain nito. ²³ Huwag^(A) ninyong kakainin ang dugo; kailangang patuluin ito sa lupa.